“Fənərbaxça” klubunun sabiq futbolçusu, hollandiyalı Pyerr van Hoydonk bu il Azərbaycana gələ bilər. Apasport.az saytının Türkiyə mətbuatına istinadən məlumatına görə, 41 yaşlı veteran hücumçu Azərbaycan milli komandasının Avro-2012-nin seçmə mərhələsindəki rəqibi Türkiyə yığmasının məşqçisi olacağı bildirilir. Bununla da, o, “ay-ulduzlular”ın yeni baş məşqçisi Qus Hiddinkin köməkçisi işləyə bilər.

2007-ci ildə futbolçu karyerasını bitirdikdən sonra da İstanbulda yaşayan Hoydonk bu məsələ ilə bağlı belə deyib: “Hiddink məni köməkçi görmək istəsə, dərhal razılaşaram”.

Cərimə zərbələrinin mahir ifaçısı ilə tanınan Hoydonk 2003-2005-ci illərdə “Fənərbaxça”da (53 oyun, 32 qol) çıxış edib. Surinam əsilli futbolçu hər iki mövsümdə Türkiyə çempionluğunu qazanmaqla yanaşı, 2004-cü ildə Superliqanın bombardirləri yarışında 2-ci olub.

Qeyd edək ki, milli komandamız Avro-2012-nin seçmə mərhələsində ilk ev oyununu bu il oktyabrın 12-də Türkiyə yığmasına qarşı keçirəcək.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu