Martın 3-də Azərbaycan milli komandası ilə yoldaşlıq oyunu keçirəcək Lüksemburq yığması növbəti hazırlıq matçına çıxıb.

Apasport.az saytının məlumatına görə, Quy Hellersin yetirmələri Fransa çempionatının ikinci dəstəsində çıxış edən “Mets” klubu ilə üz-üzə gəlib. Lüksemburqun “Dudelanj” klubuna məxsus “Jos-Nosbaum” stadionunda baş tutan qarşılaşmada qonaqlar minimal hesabla qalib gəlib – 1:0. Cəmi 2558 tamaşaçı üçün nəzərdə tutulan arenadakı yeganə qolu oyunun birinci hissəsində mərakeşli Yusif Muxtari vurub.

Qeyd edək ki, Azərbaycan və Lüksemburq yığmaları arasında martın 3-də keçiriləcək oyun 8100 tamaşaçı tutan və bu göstəricidə ölkənin ikinci arenası olan “Josi Bartel”də baş tutacaq. Milli stadion statusu daşıyan arenadakı görüş Bakı vaxtı ilə saat 23:00-da başlayacaq.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu