Rusiya çempionu “Rubin” daha bir türk futbolçunu heyətinə qatmaq istəyir. Apasport.az saytının məlumatına görə, kazanlılar “Bursaspor”un yarımmüdafiəçisi Volkan Şenlə maraqlanırlar.

Türkiyə mətbuatının yaydığı xəbərdə bildirilir ki, artıq bu məqsədlə “Rubin”in iki rəsmisi Bursaya gəlib. Ruslar 23 yaşlı istedadlı futbolçunun transferi müqabilində 6 milyon avro xərcləməyə hazır olduqlarını söyləyiblər. Çempionluğa iddialı “Bursaspor” rəhbərliyi isə keçid üçün mövsümün sonunu uyğun dövr hesab ediblər.

Qeyd edək ki, hazırda “Rubin”in şərəfini 3 türk - Gökdəniz Karadəniz, Hasan Kabze və Fatih Təkkə qoruyur.

• Ronaldo özünü “xəyanətə uğramış” hiss edir – Jezuş yalan danışıb
• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya