“Müqayisə etsək, Azərbaycan birinciliyi Ukraynadan səviyyəcə az geri qaldığını deyə bilərəm. Fikrimcə, tezliklə Azərbaycan çempionatı səviyyəsinə görə daha yaxşı olacaq”. Bu sözləri apasport.az saytına açıqlamasında “Xəzər-Lənkəran” klubunun futbolçusu Elvin Beçiri deyib.

Ölkəmizə gəlməmişdən əvvəl xeyli müddət Ukraynada çıxış edən albaniyalı müdafiəçi oynadığı iki çempionatın müqayisə etməklə yanaşı, Unibank Premyer Liqasının ən yaxşısını da açıqlayıb. Donetsk “Metallurq”unun sabiq futbolçusu Marian Aliuta haqda yüksək fikirdə olduğunu gizlətməyib: “Azərbaycanda yaxşı futbolçular, hücumçular var. Bir neçəsini bəyənmişəm. “Qarabağ” və “Neftçi”də də yaxşı futbolçular oynayır. “Neftçi”də xüsusilə rumın yarımmüdafiəçini qeyd edə bilərəm. Marian Aliutanı deyirəm. Onunla Ukraynadan tanışam, mənim dostumdur. Marian çox texnikalı futbolçu olduğu üçün ona qarşı oynamaq çətindir. Elə indi “Neftçi”də də yaxşı oynayır. Belə yaxşı futbolçulara qarşı oynamaq çətindir”.

Qeyd edək ki, Elvin 2003-05 və 2006-08-ci illərdə “Metallurq”un şərəfini qoruyub. 2000-02-ci illərdə “Şaxtyor”da oynamış Marian 2005/06 mövsümünü “Metallurq”da keçirib.

• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya
• Tuxel Bellingemin İngiltərə millisində kapitan olmasına “Yaşıl işıq” yandırdı
• Kasper Şmeyxel zarafat etdi: “İndi tam ştatlı Uber sürücüsüyəm”
• “Liverpul” Şadeni yanvarda transfer etmək istəyir