Bakının “Neftçi” klubunun əsas kapitanı Zaur Tağızadənin zədəsi sağalıb. Apasport.az saytının məlumatına görə, 31 yaşlı futbolçu artıq kollektivlə məşqlərə başlayıb. Tağızadə Unibank Premyer Liqası çərçivəsində “Bakı”ya qarşı keçiriləcək oyunda forma geyinə biləcək. Həmin matç martın 21-də baş tutacağından, Tağızadənin dönüşü Novruz bayramına təsadüf edəcək.

Xatırladaq ki, Tağızadə ilkin mərhələnin “Qarabağ”la görüşündə zədələnib. Zaurun yoxluğunda kapitan sarğısını yığma komandamıza da çağırılan Rail Məlikov daşıyır.

• Ertuğrul Doğandan mərc ittihamlarına cavab: “Bu, hamı üçün dərs olsun”
• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək