“Bizim uğur qazanacağımızı çox insanlar gözləyirdilər. Bu səbəbdən bilirəm ki, üzr istəməliyəm”. Apasport.az saytının məlumatına görə, bu sözləri İspaniyanın “Sevilya” klubunun qapıçısı Andres Palop deyib.

37 yaşlı futbolçu Çempionlar Liqasının 1/8 final mərhələsində Moskva MOİK-i ilə cavab görüşündə səhv buraxıb. Palop 55-ci dəqiqədə rəqib oyunçu Keysuke Hondanın yerinə yetirdiyi cərimə zərbəsini əlində saxlaya bilməyib: “Belə vacib görüşdə səhvə yol verdim. Buna görə də azarkeşlərdən min dəfə üzr istəməyə hazıram”.

Qeyd edək ki, tərəflər arasında Moskvada keçirilmiş birinci oyun heç-heçə (1:1) nəticələnmişdi. Lakin MOİK dünən səfərdə 2:1 hesablı qələbə qazanaraq, tarixində ilk dəfə Çempionlar Liqasının 1/4 finalına yüksəlib.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”