Bu gün Rusiya Premyer Liqasının III turunda “Anji” və MOİK arasında keçiriləcək görüş İtaliya telekanalı vasitəsilə canlı yayımlanacaq. Apasport.az saytının məlumatına görə, sözügedən qarşılaşmanı Apennin yarımadasında “Sky Sport” kanalı göstərəcək.

Hərçənd, oyunun teleyayımı qabaqcadan planlaşdırılmırdı. Sonradan “Anji” - MOİK matçını yayımlamaq istədiklərini bildirən italyanların məqsədi var. Məsələ burasındadır ki, MOİK Çempionlar Liqasının 1/4 finalında Milan “İnter”inin rəqibidir. “Hərbçilər”in “Anji” ilə görüşünə də məhz bu baxımdan maraq yaranıb. Matç Bakı vaxtı ilə saat 20:15-də başlanacaq.

Təəssüf ki, bu qarşılaşmada Azərbaycan yığmasının üzvü, hazırda “Anji”nin şərəfini qoruyan Mahir Şükürov forma geyinə bilməyəcək. Çünki həmvətənimiz ötən turda “Amkar”la səfər matçında qırmızı vərəqə ilə cəzalandırılıb.

• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”
• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”