“Bakıdakı toplanışdan razı qaldım. Xüsusilə, “Qəbələ” ilə görüşdə komanda mən istəyən oyunu göstərməyə yaxın oldu”. Bu sözləri apasport.az saytına açıqlamasında “Turan” klubunun baş məşqçisi Sakit Alıyev deyib.

Yeni mövsümün hazırlığını Gürcüstanda davam etdirən “Turan” qonşu ölkədə yoxlama oyunları ilə bərabər, heyətini də gücləndirməyə çalışacaq. Baş məşqçi əsasən yarımmüdafiənin cinahlarından narazıdır: “Yoxlama oyunları da göstərdi ki, yarımmüdafiənin cinahlarını gücləndirməliyik. Gürcüstanda baxışa futbolçular gələcək. Ola bilsin, 1-2 oyunçu ilə anlaşdıq. Müdafiədəki boşluğu Vurğun Hüseynovla doldurduq”.

Vurğun Hüseynov barədə danışan Alıyev onun oyunlara hələ tam hazır olmadığını bildirib: “O, Bakıda komanda ilə bir məşq keçdi. Lakin oynamağa hazır olmadığına görə, meydana buraxmadıq. Vurğuna formasını bərpa etməsi üçün ayrıca hazırlıq proqramı tətbiq edəcəyik. O, təxminən 2 həftəyə oynamağa hazır olacaq”.

• Tilemans dubl etdi - Oyunun ən yaxşı futbolçusu seçildi
• Seneqal tarix yazdı - DÇ-da buna nail olan ilk Afrika millisi
• Sarr tarix yazdı - Seneqal millisinin rekordçusu oldu
• “Beşiktaş” Trossar üçün “Arsenal”la razılaşdı - Futbolçunun tələbləri bitmir
• “Bavariya” açıqladı - Saibari ilə 2031-ci ilə qədər müqavilə