“Bu gün Türkiyəyə yollanıram. Sabah isə cərrahiyyə əməliyyatı olunacağam”. Bu sözləri apasport.az saytına açıqlamasında Azərbaycan yığmasının və “Qarabağ” klubunun yarımmüdafiəçisi Əfran İsmayılov deyib.

Unibank Premyer Liqasının I turu çərçivəsində “Neftçi” ilə qarşılaşan Ağdam təmsilçisi 3 xalı son dəqiqədə əldən verməklə yanaşı, əsas heyət oyunçusunu da dövrənin sonuna qədər itirdi. Matçın 41-ci dəqiqəsində zədələnən Əfranın artıq 6 ay yaşıl meydanlardan kənarda qalacağı dəqiqləşib: “Əməliyyatı Ömər Taş edəcək. O, Türkiyədə ən güclü cərrahlardan sayılır. Minimum 4 ay oynamayacağam”.

Futbolçu zədələndiyi anı isə belə xatırlayır: “Qaçan vaxt ayağım burxuldu. Bağların qırıldığını hiss etdim. Həmin epizodda rəqib mənə toxunmamışdı”.

Zədə üzündən “Qarabağ”ın Avropa Liqasındakı oyununa çıxa bilməyəcəyinə görə təəssüflənən futbolçu bildirib ki, pərəstişkarları onu tək buraxmır: “Sağ olsunlar, zəng vurub hal-əhvalımı xəbər alırlar. Sadəcə, mühüm oyun öncəsi komandama kömək edə bilməyəcəyimə görə təəssüflənirəm. Nə etmək olar? Görünür, qismət belə imiş”.

• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ