“Heyətimizdə cəmi iki legioner futbolçu var. Onların da yerli uşaqlara maneçiliyi yoxdur”. Bu sözləri apasport.az saytına açıqlamasında Zaqatalanın “Simurq” klubunun prezidenti Zaur Məmmədov deyib.

Yeni mövsümə ancaq yerli futbolçularla başlayacağını iddia edən əyalət təmsilçisi sonradan iki əcnəbinin xidmətinə ehtiyac duydu. Klub prezidenti bu addımın məcburiyyətdən atıldığını bildirib: “Biz sözümüzdən geri çəkilmirik. Sadəcə, sırf azərbaycanlı uşaqlardan ibarət heyəti qurmaq çox çətindir. Elə uşaqlar tapa bilmədik. Ona görə də bu addımı atdıq. Onlar da öz təcrübələri ilə bizə kömək edəcəklər”.

Qeyd edək ki, “sarı-qaralar” “İnter”dən Baçana Sxadadze və Paulius Paknisi icarəyə götürüblər. Zaqatalalılar ilk oyunda Baçanadan yararlanıb ki, komandanın yeganə qolunu da o vurub.

• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ