“Neftçi” milli komandaların rəsmi oyunları ilə əlaqədar ölkə çempionatında yaranmış fasilə müddətində hazırlığını Bakıda davam etdirəcək. Apasport.az saytının məlumatına görə, paytaxt təmsilçisi sabah bir araya gələcək.

Baş məşqçi Arif Əsədov sentyabrın 1-də bir məşq keçəcəklərini deyib: “3 günlük istirahətdən sonra uşaqları bir balaca tərpətmək istəyirik. Sabahkı məşqimizi dəniz kənarında keçəcəyik. Sonrakı günlərdə 2 məşq edəcəyik. Səhər çalışmasında fiziki, axşam məşqində isə taktiki-texniki hazırlığa üstünlük verəcəyik”.

Bu arada “Neftçi” yoxlama oyunu keçirməyi planlaşdırıb. Artıq sınaqçı rəqibin kimliyi də dəqiqləşib. Belə ki, “Neftçi” Unibank Premyer Liqasının III turunda 4:0 hesabı ilə məğlub etdiyi “Simurq”la sentyabrın 6-da yenidən üz-üzə gələcək. Oyunun hansı stadionunda keçiriləcəyi hələ dəqiqləşməyib.

• Frankulinyonun "astarı üzündən baha gəldi" – “Trabzonspor” 25 milyon ödəyəcək
• “Barselona”nın 14 yaşlı yeni "qol maşını" – 30 oyunda 96 qol
• Avroliqadan həvəskar liqaya – “Yeni Malatyaspor”un çöküşü
• “Marsel” Genesionu göndərmək istəsə də, "əli-qolu bağlıdır"
• “Valensiya”da yeni baş məşqçi – Xavyer Aqirre yenidən İspaniyada