“Belçika və Azərbaycan yığmaları ilə oyunlara maksimum nəticə üçün çıxacağıq. Biz həmin görüşlərdə 6 xal qazanmaq istərdik”. Apasport.az saytının məlumatına görə, bu fikirləri Azərbaycan milli komandasının Avro-2012-də rəqibi olan Almaniya yığmasının baş məşqçisi Yoahim Löv deyib.

Növbəti seçmə mərhələyə sabah start götürəcək Bundestim sentyabrın 7-də millimizi qəbul edəcək. Löv yığmamıza yuxarıdan aşağı baxmır: “Biz qələbə qazanmaq istəsək də, Belçika və Azərbaycanı qiymətləndirməmək olmaz. Əminəm ki, çoxlu gənc istedadlara malik Belçika yığması kifayət qədər motivasiyalı olacaq və cümə günü bizə sinə gərəcək. Bizi CAR-da yaxşı oynadığımız üçün favorit sayırlar. Ancaq digər tərəfdən, təsnifat mərhələsi ayrıca marafondur. Oyunçular öz statuslarını qorumağa borcludurlar. Bunun üçün hər oyunda konsentrasiyanı itirməmək lazımdır”.

• İtalianodan Türkiyə etirafı: “Özümü 90-cı illərin İtaliyasında hiss edirəm”
• Günün canlı yayımlanacaq matçları - TV AFİŞA
• Eriksen Almaniya klubundan ayrıldı - RƏSMİ
• Frankulinyonun "astarı üzündən baha gəldi" – “Trabzonspor” 25 milyon ödəyəcək
• “Barselona”nın 14 yaşlı yeni "qol maşını" – 30 oyunda 96 qol