21 yaşadək futbolçulardan ibarət komandalar arasında Avropa çempionatının qrup mərhələsi başa çatıb. Apasport.az saytının məlumatına görə, 10 qrupda keçirilən qarşılaşmalardan sonra pley-offda çıxış edəcək 14 “xoşbəxt” müəyyənləşib. Azərbaycan milli komandasının yer aldığı X qrupda birinci yeri tutan Şotlandiya ilə yanaşı Rumıniya, İsveçrə, İtaliya, Hollandiya, Çexiya, İsveç, Xorvatiya, Ukrayna və Yunanıstan yığmaları da birbaşa pley-offa çıxıblar.

Bu mərhələnin iştirakçısı olacaq digər 4 komanda isə qrup ikinciləri arasından seçilib. Ən yaxşı göstəriciyə malik olan İspaniya, İngiltərə, İslandiya və Belarus da pley-offa vəsiqə əldə ediblər. Sonuncular yığmamızı məğlub etməklə liderliyini qoruya bilməsə də ikinci yerə buna nail olub.

Oktyabrın 9-da və 13-də ev və səfərdə keçiriləcək oyunlardan ibarət olacaq pley-off mərhələsinin püşkü sentyabrın 10-da atılacaq. Danimarkanın Henninq şəhərindəki tədbirdə 7 cüt müəyyənləşəcək. Həmin cütlərin qalibləri gələn il Danimarkada təşkil olunacaq qitə birinciliyinin final mərhələsində mübarizə aparacaq.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA