Final mərhələsi 2014-cü ildə keçiriləcək dünya çempionatının seçmə oyunlarının püşkatma mərasiminin yeri müəyyənləşib. Apasport.az saytının məlumatına görə, mundiala ev sahibliyi edəcək Braziliyaya səfər edən FİFA-nın nümayəndə heyəti püşkün atılacağı məkanı seçib. Qurumun baş katibi Cerom Valke bununla bağlı açıqlama verməsə də Rio-de-Janeyro rəhbərliyi sirrin üstünü açıb. Belə ki, şəhərin meri Eduardo Reş seçmə mərhələ ilə bağlı qeyri-müəyyənliyə son qoyub. Gələn ilin iyulunda keçiriləcək tədbir bütün dünyada məşhur olan Kopakabana çimərliyinin kənarındakı fortda təşkil olunacaq.

Qeyd edək ki, hazırda Avro-2012-nin seçmə mərhələsində çıxış edən Azərbaycan milli komandasının DÇ-2014 yolundakı rəqibləri də həmin çimərlikdə bilinəcək.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA