Futzal üzrə UEFA kubokunda ölkəmizi təmsil edən Naxçıvanın “Araz” klubu sabah ilk oyununa çıxacaq. Apasport.az saytının məlumatına görə, son Azərbaycan çempionu ilk matçda İrlandiya təmsilçisi “Sportinq”lə üz-üzə gələcək. Oyun Bakı vaxtı ilə saat 19:00-da başlayacaq.

Seçmə mərhələnin 3-cü qrupunda yer alan təmsilçimiz ikinci oyununu sentyabrın 29-da keçirəcək. Joze Alessio da Silvanın başçılıq etdiyi komanda Latviya çempionu “Nikars”la qarşılaşacaq. Oktyabrın 1-də isə Naxçıvan təmsilçisi Rumıniyanın “Targu Mureş” komandası ilə gücünü sınayacaq.

Qeyd edək ki, qrup mərhələsinin oyunları Rumıniyada keçiriləcək. “Araz” bu gün adıçəkilən ölkəyə yollanıb.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"