Azərbaycan yığmasının və “Araz” klubunun futzalçısı, 2010-cu ilin ən yaxşısı seçilən Vitali Borisovun apasport.az saytına müsahibəsi

- Azərbaycanın ən yaxşı futzalçısı seçiləcəyinizi gözləyirdinizmi?
- Demək olar gözləyirdim. Hardasa sorğu keçirildiyi vaxt qulağıma söhbət gəlib çatırdı ki, mən seçiləcəyəm.

- 2010-cu ili Azərbaycan futzalı üçün uğurlu saymaq olar?
- Əlbəttə. “Araz” Çempionlar Liqasında 3-cü, yığmamız Avropa çempionatında 4-cü yeri tutdu. Həmin vaxtadək Azərbaycan komandaları belə nəticələr göstərməyiblər. Buna görə də nəticələri uğurlu saymaq olar.

- Lakin cari mövsümdə “Araz” ötən yarışdakı uğurunu təkrarlaya bilmədi. Komandamız “Dördlər finalı”na yüksələ bilmədi. Bu uğursuzluq nə ilə bağlı idi? Heyətdəki dəyişikliklərin rolu oldu?
- Dəyişikliklər həmişə olur. Həm də ki, bu dəfə rəqiblərimiz ötən ilkindən daha güclü idilər. İtaliya və Rusiya təmsilçiləri iddialı komandalar idi. Hətta ruslar favorit sayılırdı. Amma mərhələni apenninlilər adladı.

- Şəxsi karyeranızla bağlı hər hansı dəyişiklik gözlənilmir ki? Yenidən legioner həyatı yaşamağınız mümkündürmü?
- Olsa da, mən təkliflərə heç baxmıram. Əvvəllər də demişəm ki, cari mövsüm bütün diqqətimiz “Araz”a yönəldəcəyəm.

• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya
• Tuxel Bellingemin İngiltərə millisində kapitan olmasına “Yaşıl işıq” yandırdı
• Kasper Şmeyxel zarafat etdi: “İndi tam ştatlı Uber sürücüsüyəm”