Azərbaycan Premyer Liqasının XIX turuna hazırlıqları yekunlaşdıran “Qarabağ” Lənkərana yollanıb. Apasport.az saytının məlumatına görə, dekabrın 23-də baş tutacaq matçda “Xəzər Lənkəran”la qarşılacaq Ağdam təmsilçisi bu gün axşam oyunun keçiriləcəyi məkanda olacaq.

Qış fasiləsi ərəfəsində sonuncu oyuna yollanan “Qarabağ” səfərə itki ilə çıxıb. Bu da yüngül zədəsi olan Rəşad Kərimovdur. Əvəzində “Turan”la oyunda zədələnərək əvəzlənən Zaur Həşimovun aldığı xəsarətin ciddi olmadığı aşkarlanıb. Bu gün komandayla məşq edən müdafiəçi Lənkərana səfər edib.

Qeyd edək ki, ağdamlılar sabah səhər 11-də oyunun keçiriləcəyi stadionda məşq edəcək. “Xəzər Lənkəran” – “Qarabağ” oyunu isə dekabrın 23-ü saat 17:00-da başlayacaq.

• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya
• Tuxel Bellingemin İngiltərə millisində kapitan olmasına “Yaşıl işıq” yandırdı
• Kasper Şmeyxel zarafat etdi: “İndi tam ştatlı Uber sürücüsüyəm”