Bu il Azərbaycan millisi ilə yoldaşlıq görüşlərinə buraxılmayan futbolçular ölkələrində fərqləndirilib. Apasport.az saytının məlumatına görə, Qoran Pandev Makedoniyada, Mirko Vuçinin Çernoqoriyada ilin ən yaxşı futbolçusu seçilib.

İtaliya A seriyasında oynayan, yığmalarının kapitanları olan hücumçular vaxtilə eyni ölkəni – keçmiş Yuqoslaviyanı təmsil ediblər. “Roma”da oynayan Vuçiniç 4-cü dəfə Çernoqoriyanın ən yaxşı futbolçusu olur. O, bunadək 3 il dalbadal - 2006, 07, 08-ci illərdə birinciliyə layiq görülüb.

Bu il “İnter”lə 5 mükafat qazanan – ölkə çempionu, kubok, Superkubokun sahibi, Çempionlar Liqasının qalibi, klublar arası dünya çempionu olan Pandev isə vətənində jurnalistlər, ekspertlər və azarkeşlər arasında keçirilən sorğuda qalib gəlib. O, millimizə qarşı oynayan yığmasının müdafiəçiləri - Nikolçe Noveski (“Maytns”) və Qoran Popovu (“Dinamo”, Kiyev) qabaqlayıb.

Qeyd edək ki, Qoran yığmamızla bu ilin mayın 29-da Avstriyada, Mirko isə noyabrın 17-də Çernoqoriyadakı yoldaşlıq görüşlərinə çağırılmışdı. Ancaq yığmadakı baş məşqçiləri onları qoruyaraq, yığmamızla oyuna buraxmadı.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi