Unibank Premyer Liqasında qış fasiləsinə 8-ci pillədə çıxan “Gəncə” 3 futbolçu ilə vidalaşıb. Bu haqda apasport.az saytına komandanın prezidenti Elmir Əliyev məlumat verib.

O bildirib ki, 3 legionerdən imtina ediblər: “Bunlar ukraynalı müdafiəçi Vladimir Kozlenko, yarımmüdafiəçilər – gürcü Levan Mdvinişvili ilə kamerunlu Patris Nukeududur. Ancaq komandadan gedən futbolçular yalnız onlar olmayacaq. Ümumilikdə, 6-7 futbolçu ilə yollarımızı ayıracağıq. Onlar arasında yerli futbolçular da olacaq. Elələri var ki, digər klublardan təklif aldığından, getmək istəyirlər. Ancaq bizim də imtina etmək istədiklərimiz var”.

Qış fasiləsində Türkiyəyə hazırlığa yollanacaqlarının dəqiqləşmədiyini bildirən Əliyev, həmçinin bildirib ki, komandaya əvəzedici heyətdən bir neçə futbolçu cəlb etmək planlaşdırılıb.

Qeyd edək ki, ölkə kubokunda mübarizəni dayandıran “Gəncə”nin “altılığ”a düşməyəcəyi də rəsmiləşib.

Mehman SÜLEYMANOV

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi