“Muğan”ın kapitanı Elnur Abdullayev “Xəzər Lənkəran”dan təklif alıb. Bu haqda apasport.az saytına Salyan təmsilçisinin vitse-prezidenti Bəhruz Şirəliyev məlumat verib.

O bildirib ki, 24 yaşlı yarımmüdafiəçinin qış “transfer pəncərəsi”ndə cənub komandasına keçəcəyi gözlənilir: “Hələlik klublar arasında danışıq olmayıb. Ancaq Elnur “Xəzər Lənkəran”dan təklif aldığını dedi. Abdullayevin məsələsinə yanvarda tam aydınlıq gələcək. Yəqin ki, keçiddə problem olmaz və kapitanımızın müəyyən kompensasiyanın qarşılığında “Xəzər Lənkəran”ın gedişinə imkan yaradacağıq”.

Qeyd edək ki, uzun illər “Bakı”da oynayan Elnur “Muğan”a güclülər dəstəsinə çıxandan sonra - 2008/09 mövsümündə keçib. Gənclər yığmamızın sabiq üzvü salyanlıların heyətində çempionatda 60 oyuna 2 qol vurub. Yığmamızın baş məşqçisi Berti Foqts bu ayın əvvəlində Bakıda 4 günlük hazırlıqda bəyəndiyi Abdullayevi yanvarın sonunda Dubaya 14 günlük toplanışa dəvət edib.

Mehman SÜLEYMANOV

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi