“Xəzər Lənkəran” qış fasiləsində ilk transferlərini gerçəkləşdirib. Apasport.az saytının məlumatına görə, Rumıniya mətbuatı Buxarestin “Rapid” komandasında oynayan Karlos Çezinya və Stefan Qreqori ilə bağlı danışıqların artıq yekunlaşdığını iddia edir.

Həmkarlarımıza inansaq, lənkəranlıların baş məşqçi Mirça Redniklə “Rapid” rəhbərliyi hər 2 futbolçunun icarəyə götürülməsini razılaşdırıblar. Razılığa əsasən, bu oyunçular 6 ay “ağ-yaşıllar”ın şərəfini qoruyacaq və bundan sonra cənublular onların hər ikisini almaq hüququna malik olacaq.

“Xəzər Lənkəran”ın vitse-prezidenti Tuyqun Nadirov isə məsələyə münasibət bildirərək, onların komandaya Türkiyədə qoşulacağını qeyd edib: “Heç kimlə müqavilə bağlanmayıb. Çezinya və Qriqori Antalya toplanışında komandamıza qoşulacaq. Lakin onların komandada qalıb-qalmayacağına biz qərar verəcəyik. Baxışda özlərini göstərə bilsələr, “Xəzər Lənkəran”da qalmaları mümkündür”.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi