Azərbaycan milli komandasının kapitanı Rəşad Sadıqov Türkiyənin “Əskişəhərspor” klubunda növbəti oyununu keçirib. Apasport.az saytının məlumatına görə, 29 yaşlı müdafiəçi Superliqa təmsilçisinin qış hazırlıq dövründəki 3-cü qarşılaşmasının iştirakçısı olub.

Baş məşqçi Bülənt Uyğunun yetirmələri Almaniya Bundesliqasında çıxış edən “Şalke”ni sınağa çəkiblər. 1:1 hesabı ilə başa çatan görüşə start heyətində çıxan Sadıqov matçı əvəzolunmadan keçirib. Helzenkirhenlilərin heyətindəki ispan futbolunun əfsanəsi Raul yalnız ilk 45 dəqiqqədə Rəşada rəqib olub.

Qeyd edək ki, Rəşad digər Almaniya təmsilçiləri “Aue” və “Verder”lə oyunlarda da şans qazanmışdı.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu