Bakının AZAL klubu heyətini milli komanda təcrübəsi olan futbolçularla gücləndirir. Apasport.az saytının məlumatına görə, paytaxt təmsilçisinin baxışa çağırdığı Edvin Maurikia və Ritus Krjauklis yığma oyunçuları olublar.

Tam adı Edvin Maurikia Çalar olan 23 yaşlı hücumçu Kolumbiya milli komandasının sabiq oyunçusudur. 2007-ci ildə ölkəsinin U-20 yığmasında iynayan Çalar 7 oyuna 1 qol vurub. Karyerası ərzində vətənində “Atletiko Huilya”, “Enviqado”, “Atletiko Bukaramanqa”, “Deportivo Kukuta”, Ekvadorda “Deportivo” və “Manta”, “Makara” klublarında oynamış hücumçunun indiki komandası Peru təmsilçisi “Deportivo”sudur. Çaların karyerasının zirvəsi isə 2007-ci ilə təsadüf edir. Həmin vaxt o, Argentinanın məşhur “Nyuells Old Boyz” klubunda top qovub.

24 yaşlı Krjauklis isə Latviyanın əsas yığmasında oynayıb. O, 2009-ci ildə debüt etdiyi milliyə fasilələrlə çağırılmaqda olan müdafiəçi komandada 8 oyun keçirib. Karyerasını “Dinaburq”da başlayan futbolçunun növbəti, həm də son klubu “Ventspils” olub.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu