Bakının “Neftçi” klubunun məşqçiləri yaşıl meydanda məharətlərini göstərdilər. Apasport.az saytının Antalyaya ezam olunmuş əməkdaşının məlumatına görə, komandanın qapıçılarla işləyən serbiyalı Neboyşa Manoyloviç istisna olmaqla yerli məşqçiləri, klub rəhbərliyinin iştirak etdiyi yoldaşlıq görüşündə bura gələn azərbaycanlı jurnalistlər də oynayırdı. Komandalar hərəsində 5 nəfər olmaqla, şərti olaraq “qaralar” və “yaşıllar”a bölünmüşdü.

30 dəqiqə davam edən oyun kiçik ölşüdə qurulan meydançada keçirildi. Əsas vaxt 4:4 hesablı bərabərliklə nəticələndiyindən, qalibi müəyyənləşdirmək üçün əlavə vaxt təyin olundu. Bu, ilk qola kimi davam etdi. Qələbə topunu “Neftçi”nin baş məşqçisi Arif Əsədov vurdu. O, oyun ərzində hesabda geridə olan komandasına əzmkar qələbə qazandırdı.

Mehman SÜLEYMANOV

• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI