Bu gün Rusiyanın Sankt-Peterburq şəhərində təşkil olunmuş “Birlik kuboku”nun qrup mərhələsinə yekun vurulacaq. Apasport.az saytının məlumatına görə, yarışda Azərbaycanı təmsil edən son ölkə çempionu “İnter”in 1/4 finaldakı rəqibinin adına da aydınlıq gəlib.

Bu, B qrupunda 3-cü turun qarşılaşmalarının başa çatmasından sonra mümkün olub. Qazaxıstan “Tobol”unun Latviya təmsilçisi “Skonto” önündə ağ bayraq qaldırması Ermənistanın “Mika” klubunun yolunu açıb. Özbəkistan çempionu “Bunedkor”u məğlub edən ermənilər qrup ikincisi kimi 1/4 finala çıxmaqla təmsilçimizə rəqib olub.


“SKONTO” (LATVİYA) – “TOBOL” (QAZAXISTAN) – 3:0
“MİKA” (ERMƏNİSTAN) – “BUNEDKOR” (ÖZBƏKİSTAN) – 2:1

1	“Skonto”	3	2	1	0	6-1	7
2	“Mika”	3	1	1	1	4-5	4
3	“Tobol”	3	1	1	1	4-6	4
4	“Bunedkor”	3	0	1	2	3-5	1

Qeyd edək ki, Azərbaycan çempionunun 1/4 finaldakı oyunu sabah Bakı vaxtı ilə saat 15:00-da başlayacaq. Bu, Azərbaycan çempionlarının “Birlik kuboku”nda ermənilərlə 3-cü görüşü olacaq. 2005 və 2006-cı illərdə “Neftçi” və “Pünik” qarşılaşmışdılar. Bakılılar əvvəl 2:0 hesabı ilə qalib gəlsələr də, 5 il əvvəlki dueldə irəvanlılar yarışın keçirildiyi Moskvadan qaçmışdılar. Həmin vaxt texniki qələbəyə sevinən “Neftçi” sonda kubokun sahibi olmuşdu.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"