“Qəbələ” klubu bu il ilk qələbəsini qazanıb. Apasport.az saytının məlumatına görə, Türkiyənin Antalya şəhərində təlim-məşq toplanışını davam etdirən Toni Adamsın çalışdırdığı komanda Cənubi Koreyanın yüksək liqasında çıxış edən “Qyeonqnam” klubuna 2:0 hesabı ilə qalib gəlib. “Qəbələ”dən qolları əcnəbi hücumçular – yamaykalı Deon Bartonla hollandiyalı İvan Reda vurub. Bununla da komandamız cənubi koreyalılardan qisasını aldı. Belə ki, “Qəbələ” Antalyada ilk yoxlama oyununda bu ölkənin aşağı divizion təmsilçisi “Yonsey”ə 1:3 hesabı ilə uduzmuşdu.

Adamsın yetirmələri Türkiyədə yanvarın 31-dək hazırlıq prosesinin son günündə daha bir yoxlama oyunu keçirəcək. Rəqibin Xorvatiyanın “Lokomotiv” klubu olacağı gözlənilir.

• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO