Tanınmış ukraynalı məşqçi Aleksandr İşenko Azərbaycanda çalışmaq təklifi alıb. Apasport.az saytının məlumatına görə, 58 yaşlı mütəxəssis vətənində verdiyi müsahibədə ölkəmizə dəvət olunduğunu bildirib.

2 il 2 aydır işsiz olan İşenko hələ də özünə klub tapmamasını belə izah edib: “Azərbaycan və Qazaxıstandan təklif almışdım. Lakin qəbul etmədim. Qazaxıstanda əvvəllər də işləmişəm. Orada çalışmağın necə ağır olduğunu bilirəm”.

Qeyd edək ki, 1995/96 mövsümündən 2008/09-a qədər bütün Ukrayna çempionatlarının iştirakçısı olan İşenko Premyer Liqada 204 oyunda iş başında olub. Əsasən ortabab klublarda çalışan və son iş yeri “İliçevets” olan İşenko bu göstəricidə Ukraynada 7-cidir.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”