Əzəli rəqiblər olan “Barselona” və “Real” 21 illik fasilədən sonra yenə görüşəcəklər. Apasport.az saytının məlumatına görə, “El Klassiko”nun iştirakçıları sonuncu dəfə ölkə kubokunun finalında 1990-cı ildə üzləşiblər. Həmin vaxt katalonlar 2:0 hesabı ilə qalib gəliblər.

Ümumiyyətlə, prinsipial rəqiblər ölkə kubokunun finalında 5-ci dəfə görüşəcəklər. İlk 2 finalda “Real” üstün olub. Belə ki, 1936-cı ildə “Barselona” 1:2, 74-cü ildə 0:4 hesabı ilə uduzub. Ancaq “Barsa” bundan sonra qələbələri bayram edib. Kataloniya təmsilçisi 1983-cü ildə 2:1, 90-cı ildə 2:0 hesabı ilə qalib gəlib.

Göründüyü kimi, barışmaz rəqiblər hərəyə 2 dəfə qələbə qazanıb. “Barselona” sonuncu dəfə ölkə kubokunu 2009-da qazanıbsa, “Real” 93-dən bəri buna həsrət qalıb. Budəfəki final aprelin 20-də Valensiyada keçiriləcək. Maraqlıdır ki, növbəti “El Klasssiko” da apreldə, finaldan 3 gün öncə Madriddə olacaq.

Qeyd edək ki, “Barselona” yarımfinalda “Almeriya”nı (5:0 və 3:0), “Real” “Sevilya”nı (1:0 və 2:0) qol buraxmadan yenib.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”