Azərbaycan yığmasının futbolçusu Mahir Şükürovun dünya şöhrətli braziliyalı futbolçu Roberto Karlosla ”Anji”də komanda yoldaşı olması qüvvədə qalır. Apasport.az saytının məlumatına görə, 38 yaşlı sol cinah müdafiəçisi son vaxtlar vətənində oynadığı “Korintians” klubu ilə müqaviləsini qarşılıqlı razılıqla pozub. Bununla da sərbəst futbolçu olan Karlos “Anji”yə gələrsə, Rusiya Premyer Liqasının ən yüksək ödənişli futbolçusu olacaq. Belə ki, Mahaçqala təmsilçisi “Real”ın heyətində 3 dəfə Çempionlar Liqasını qazanan, yığması ilə 2002-ci ildə dünya çempionu olan futbolçuya görə ildə 4-5 milyon avro məvacib təklif edir. Anlaşma 2 illik nəzərdə tutulub.

Robertonun İngiltərənin “Vest Hem” və ABŞ-ın “Los-Anceles Qelaksi” klubuna keçmək variantları da olsa, Rusiyadan aldığı təklif digər müqavilə şərtlərini üstələdiyindən, daha cəlbedicidir.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”