“Qəbələ”nin 14 yaşadək futbolçulardan ibarət komandası İngiltərə turnesi çərçivəsində növbəti oyununu keçirib. Komandanın mətbuat xidmətindən apasport.az saytına verilən xəbərə görə, bu dəfə əyalət təmsilçisinin rəqibi “Blekbern Rovers” olub.

“Qəbələ” qarşısına matçın ilk hissəsində 14 yaşlılarını çıxaran ingilislər, ikinci hissədə meydançaya 15 yaşlı futbolçularını buraxıblar ki, bu da oyunun nəticəsinə təsirsiz ötüşməyib. 5 gündə dördüncü oyununu keçirən azyaşlılarımız bu dəfə də məğlubiyyətlə barışmalı olublar – 1:6. “Blekbern Rovers”in qapısından yeganə qolu Roman Hüseynov keçirib.

Xatırladaq ki, “Qəbələ” səfəri çərçivəsində son oyununu sabah “Şeffild Yunayted”ə qarşı keçirəcək.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”