Bakının “İnter” klubunun tarixində ilk dəfə “Birlik kuboku” turnirinin qalibi olması postsovet məkanında ötən ayın ən önəmli hadisələri sırasında yer alıb. Apasport.az saytının məlumatına görə, Rusiyanın tanınmış “Sport-Ekspress” qəzeti yanvarın 5 ən vacib olayı arasında Azərbaycan çempionunun Sankt-Peterburqdakı yarışda uğurunu 2-ci göstərib.

1-ci isə Özbəkistan yığmasının Asiya kubokunda yarımfinala çıxması sayılıb. Məşhur hollandiyalı Ruud Qullitin Rusiyanın “Terek” klubunun baş məşqçisi təyin edilməsi 3-cü, rusiyalı futbolçu Andrey Arşavinin oynadığı “Arsenal”ın İngiltərənin Liqa Kubokunun finalına çıxması 4-cü, özbək hakim Rövşən İrmatovun 2010-cu ildə dünyanın ən yaxşı hakimləri arasında yer alması 5-ci hadisə olub.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”