Azərbaycan milli komandasının sabiq futbolçusu Şamil Lahiyalovun Rusiyanın “Anji” klubuna keçidi həll olunmayıb. Apasport.az saytının məlumatına görə, Mahaçqala təmsilçisi Dağıstan futbolunun yetirməsinə maraq göstərsə də hələ istəyinə çatmayıb. “Anji” rəhbərliyi hücumçunun transferi üçün əlindən gələni edir. Lakin 31 yaşlı Şamil Krasnodarın “Kuban” klubunun üzvü olaraq qalır. O, bu komandaya “Terek”lə müqaviləsi başa çatandan sonra azad agent statusu ilə keçib.

Qeyd edək ki, Azərbaycan yığmasının vitse-kapitanı Mahir Şükürovun şərəfini qoruduğu “Anji”nin maraq dairəsində olan Lahiyalov U-17 yığmamızda qardaşı Rəşidin sənədləri ilə oynayıb.

• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu
• Serdal Adalı yenidən “Beşiktaş” prezidenti seçilib
• Bu günün futbol matçları – Hansı oyun hansı kanalda?