2012-ci il futzal üzrə Avropa çempionatının final mərhələsinin bütün iştirakçıları müəyyənləşib. Apasport.az saytının məlumatına görə, İspaniya, Rusiya, Portuqaliya, Çexiya, Ukrayna, İtaliya qrup qalibləri, Azərbaycan, Serbiya, Rumıniya, Türkiyə və Sloveniya 2-ci yerin sahibi kimi həlledici mərhələdə çıxış etmək hüququ qazanıb. 12-ci iştirakçının isə ev sahibi kimi Xorvatiya yığmasının olduğu əvvəldən bilinirdi.

2-cilər arasında ən zəif göstəriciyə malik bir komanda 3-cü qrupda yer alan yığma (Belarus) oldu – 4 xal. Sadəcə, məsələ ondadır ki, 2-ci qrupda 2-ci yeri tutan Serbiya da 4 xal toplayıb. Ancaq onlar top fərqinə görə belaruslulardan üstün olub.

Türkiyə isə tarixində ən böyük uğura imza atdı. Qardaş ölkənin təmsilçisi son turda Belçikanı çətinliklə yenərək (3:2), 2-ci yerin sahibi kimi final mərhələsinə vəsiqəni qazandı. Ancaq onu da nəzərə alaq ki, 2-ci kimi çıxanlar arasında ən zəif göstəriciyə malik komanda məhz Türkiyə oldu. Onlar 6 xalı olanlar arasında ən pis top fərqinə (-8) malikdir. Yeri gəlmişkən, yığmamız 13 qol vuraraq, bu qədər də buraxdı və top fərqi 0 oldu. Bu isə 2-ci kimi çıxanlar arasında aşağı göstəricilərdəndir.

• “Real” üçün kabus kimi “El-Klassiko” – "Barselona"dan 7:0
• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu
• Serdal Adalı yenidən “Beşiktaş” prezidenti seçilib