Futzal üzrə Azərbaycan millisinin Avropa çempionatının final mərhələsindəki potensial rəqibləri müəyyənləşib. Apasport.az saytının məlumatına görə, bu il sentyabrın 9-da atılacaq püşk zamanı komandalar 3 səbətə bölünəcək.

Artıq indidən bu səbətlərin tərkibi açıqlanıb. Joze Alesio da Silvanın yetirmələri Avro-2012-nin 12 iştirakçısı arasında 3-cü – sonuncu səbətdə qərarlaşıb.

I səbət: Xorvatiya, İspaniya, İtaliya, Portuqaliya

II səbət: Rusiya, Çexiya, Ukrayna, Serbiya

III səbət: Azərbaycan, Rumıniya, Sloveniya, Türkiyə

Qeyd edək ki, Xorvatiya yığması yarışın təşkilatçısı olduğu üçün I səbətdə yer alıb. Bu isə o deməkdir ki, Avro-2010-da olduğu kimi, yığmamız üçün ən ideal rəqib meydan sahibləridir. II səbətdən isə Serbiya ilə görüşmək daha arzulanandır. Bir sözlə, keçmiş yuqoslaviyalılarla oynamaq millimizi nəinki 1/4 finala daşıyar, hətta qrup birincisi olmağa imkan verə bilər.

• Yasin Kol və Göktuğ Hazar Erel məhkəməyə göndərildi
• “Real” üçün kabus kimi “El-Klassiko” – "Barselona"dan 7:0
• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu