Azərbaycan yığmasının və “Abşeron” klubunun qapıçısı Andrey Popoviç baxışda olduğu Almaniya “Fortuna”sında ilk matçına bu gün çıxmalıdır. Apasport.az saytının məlumatına görə, Düsseldorf təmsilçisi düşərgəsində baxışda olan 3 futbolçunu sınamaq imkanı qazanıb.

Belə ki, 4-cü liqada mübarizə aparan “TuS Grevenbroich” klubu bu gün 100 illik yubileyini bayram edir. Yubiley münasibətilə “Fortuna”nı yoxlama oyununa çağıran aşağı dəstə təmsilçisi baxışda olanlar üçün göydəndüşmə şans olub. Düsseldorflular bu gün keçirəcəyi yoxlama matçında sınadığı 3 oyunçuya şans vermək niyyətindədir.

Qeyd edək ki, 100 illik yubileyə həsr olunan matç “Schloss-Stadion”da keçiriləcək və Bakı vaxtı ilə saat 21:30-da başlayacaq. Popoviçlə yanaşı, “Köln”un 18 yaşadək komandasından çağırılan Aleksandr Nantsiq və gürcüstanlı Giya Araxamiya da bu qarşılaşmada sınanacaq.

• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq