“Ağdamlı kimi, öz torpağımda oynamaq şərəfdir. Öz torpağında oynamaq futbolçuya iki qat güc verir”. Bu sözləri apasport.az saytına açıqlamasında “Qarabağ”ın hücumçusu Vüqar Nadirov deyib.

“Qarabağ” bir illik fasilədən sonra bu gün Quzanlı Olimpiya Kompleksində ev oyununa çıxacaq. Hazırkı heyətdə yer alan futbolçular arasında ağdamlı olan Nadirov doğma məkanda oynamağın onun üçün ikiqat bayram olduğunu bildirib.

Azarkeşlərin də komandaya maraq göstərdiyini vurğulayan yarımmüdafiəçi “Neftçi” ilə matçda onların stadiona təşrif buyuracağına inandığını gizlətməyib: “Artıq azarkeşlər komanda ilə maraqlanmağa başlayıblar. “Neftçi” ilə qarşılaşmada onların stadionu tamamilə dolduracaqlarına inanıram”.

Oyunla bağlı danışan futbolçu qol vuracağına əmindir: “Qələbə qazanıb, bizi dəstəkləməyə gələcək azarkeşləri sevindirəcəyik. İnşallah, qol vuracağam”.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi