UEFA-nın avrokuboklarda iştirakına qadağa qoyduğu 2 klubun əvəzləyiciləri müəyyənləşib. Apasport.az saytının məlumatına görə, Litvanın “Jalgiris” klubunu Avroliqada “Tauras”, İrlandiyanın “Sportinq Fingel” klubunu “Sent Patriks” əvəzləyəcək. Bu 2 komanda Litva və İrlandiyada son çempionatı müvafiq olaraq 4-cü və 5-ci yerdə bitiriblər.

“Sent Patriks”lə mübarizəyə I, “Jalgiris” II təsnifat mərhələsindən başlayacaq ki, bu da ölkələrinin UEFA-da reytinqləri ilə bağlıdır. Onlar “Qarabağ” kimi səpələnmişlər arasında olduğundan, Avroliqada digər təmsilçilərimizin potensial rəqiblərinə aiddir. Bunlardan biri “Xəzər Lənkəran”, digəri isə çempionat və kubokun final oyunundan sonra dəqiqləşəcək. Həmin vəsiqənin sahibi ya AZAL, ya da “İnter” olacaq.

Qeyd edək ki, UEFA “Jalgiris”lə “Sportinq Fingel”i lisenziyadan keçmədiyinə görə buraxmayıb.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi