“Hansı komandaya keçəcəyimi bilirəm. Artıq danışığımız olub, qalır rəsmi müqavilə imzalamaq”. Bu sözləri apasport.az saytına açıqlamasında son mövsümü AZAL-ın heyətində keçirən Elvin Əliyev deyib.

Ötən yay Vinfred Şaferin istəyi ilə “Bakı”dan kənarlaşdırılan müdafiəçi AZAL-ın forması geyinməli oldu. Mövsümün yekununa əsasən “təyyarəçilər” Avropa Liqasına vəsiqə qazansa da, Əliyev yenidən “Bakı”ya dönmək qərarına gəlib.

Düzdür, onun AZAL-la müqaviləsi gələn ilin yayında başa çatacaq. Ancaq futbolçu klub rəhbərliyindən onu transferə çıxarmağı istəyib: “Gedəcəyim komanda “Bakı” olacaq. Zeynal müəllimlə (vitse-prezident Zeynal Məmmədov) danışmışam. Fikrimcə, digər variantlara ehtiyac olmayacaq. Çünki onlarla razılaşmışam. Yaxın günlərdə də müqavilə imzalayacağıq”.

“Bəs, AZAL-a kompensasiyanı kim ödəyəcək” sualına müdafiəçi belə cavab verdi: “AZAL rəhbərliyi pul almadan məni buraxmayacağını deyib. Bu məbləği kimin ödəyəcəyi hələ bilinmir. Müqavilədə bu açıq qalıb. Yəqin ki, “Bakı” ödəyəcək”.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi