Serbiya yığmasının futzalçısı Vidan Bojoviç Azərbaycanla oyunu unuda bilmir. Apasport.az saytının məlumatına görə, hücumçu Xorvatiyada davam edən final mərhələsində millimizə 9:8 hesabı ilə qalib gəldikləri qrup oyunda pokerə imza atıb. Bununla da Vidan 4 qolla turnirin bombardirlər siyahısına başçılıq edir.

Həmin matçda avtoqol da edən hücumçu təəssüratlarını bölüşüb: “Mən indiyə kimi emosiyalarla doluyam. Axı ötən il Avropa çempionatının yarımfinalçısının qapısına 4 qol vurmaq elə də asan deyil. Əlbəttə, Avropa çempionatında 4 qol böyük nailiyyət sayılır. Bu, sanki yuxuda idi! Azərbaycanla oyun yığmamın formasında ən yaxşı oyunum idi”.

Qeyd edək ki, yığmamızla qalib gəlməklə 1/4 finala çıxan serblər Rusiya ilə görüşəcək.

• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat
• Okan Buruk: “Fənər”ə qarşı planlarımız həmişə işə yarayıb”