“Hazırda yığmamız heç bir rəqibdən qorxmur”. Apasport.az saytının məlumatına görə, bu sözləri futzal üzrə Rusiya milli komandasının futbolçusu Konstantin Mayevski deyib.

Dünya çempionatının pley-off mərhələsində Azərbaycan yığmasının rəqibi olan şimallıların təcrübəli oyunçusu yeni başa çatan Avropa çempionatının yekunlarına həsr olunan mətbuat konfransında iştirak edib. Mayevski dünyanın heç bir komandasından çəkinmədiklərini açıqlayıb: “Bir neçə il əvvəl bizim üçün əlçatmaz görünən yığmalar indi elə təsir bağışlamır. Biz onlarla oynaya da bilərik, məğlub da edə bilərik”.

Qeyd edək ki, Konstantin indiyədək millimizlə yalnız 1 dəfə qarşılaşan Rusiya yığmasının həmin heyətindən qalan yeganə oyunçudur. 2004-cü ildə komandasının 5:0 hesabı ilə qalib gəldiyi matçda Mayevski yığmamızın qapısından 2 qol da keçirib.

Həmin matçın digər iştirakçısı Sergey Zuyev isə Avro-2012 bitən kimi yığma karyerasını bitirdiyini elan etdiyindən millimizlə növbəti dəfə qarşılaşa bilməyəcək.

• “Barselona” Premyer Liqadan transferə hazırlaşır
• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat