Azərbaycan millisinin baş məşqçisi Berti Foqts Bakıya qayıdıb. Apasport.az saytının məlumatına görə, 66 yaşlı almaniyalı mütəxəssis hazırda AFFA-nın inzibati binasında keçirilən hesabat-seçki Konfransında iştirak edir.

O, millimizin Dubayda fevralın 29-da başa çatan təlim-məşq toplanışından sonra oradan vətəninə yollanmışdı. AFFA-da prezidentin və İcraiyyə Komitəsinə üzvlərin seçildiyi Konfransa qatılmaq üçün ölkəmizə qayıdan təcrübəli çalışdırıcı bazar günü startı veriləcək “altılığ”ın oyunlarını da izləyəcək.

Qeyd edək ki, yeganə namizəd kimi AFFA-nın prezidenti vəzifəsinə daha 4 il təsdiqlənəcək Rövnəq Abdullayev ilk dəfə bu posta 2008-ci ilin martın 14-də seçiləndə Foqtsun ölkəmizə bağlılığı yox idi. Abdullayev prezident olandan sonra dəvət alan almaniyalının millimizə təyinatı həmin ilin aprelin əvvəlində reallaşdı.

• Seneqal millisindən “Qalatasaray”ın futbolçusuna vida mesajı
• Türkiyə Kubokunda sensasiya – III Liqa klubu “Kayserispor”u darmadağın etdi
• “Bavariya”nın baş məşqçisi xəstəxanadan buraxıldı – Qayıdacağı tarix bəlli oldu
• Sergen Yalçının zənglərinə cavab verməyən futbolçular – TFF-dən açıqlama
• Yaponiya Futbol Assosiasiyasının vitse-prezidenti istefa verdi