“Simurq” klubunun baş məşqçi axtarışları hələ də yekunlaşmayıb. Bu barədə apasport.az saytına məlumatı Zaqatala təmsilçisinin icraçı direktoru Vaqif Əliyev verib.

O, bildirib ki, Sergey Yuranın istefasından sonra boş qalan baş məşqçi postunun yeni sahibi hələ müəyyənləşməyib: “Baş məşqçi məsələsinə yəqin ki, gələn həftə aydınlıq gələcək. Bu məsələni yekunlaşdıra bilmədiyimizdən qarşıdakı tura da komandanı məşqçimiz İqor Getman çıxaracaq”.

Qeyd edək ki, XXIII turun “Kəpəz”lə oyununda baş məşqçi vəzifəsini icra edəcək Getman XXII turun “Qarabağ”la oyununda da bu funksiyanı yerinə yetirirdi.

• “Mançester Siti” Enzo Fernandezdən əl çəkmir – Danışıqlar yenidən başlayır
• Kanselo “Barselona”ya qayıdır – Portuqaliyalı İspaniyada
• Qakpo “Liverpul”u tərk edir – “Tottenhem”lə razılaşdı
• Rodrinin əvəzləyicisi tapıldı – “Mançester Siti” 18 yaşlı ulduzu transfer edir
• Günün canlı yayımlanacaq matçları - TV AFİŞA