Azərbaycan yığmasının apreldə keçirilməsi planlaşdırılan təlim-məşq toplanışı klubların kütləvi narazılığı üzündən təxirə salınmışdı. Buna səbəb kimi çempionatın qızğın vaxtında millinin toplanışı üçün zamanın olmaması idi. Apasport.az saytının məlumatına görə, Premyer Liqamızdan qat-qat güclü olan İtaliyanın A seriyasında da oxşar hadisə qeydə alınıb. Lakin millimizin baş məşqçisi Berti Foqtsdan fərqli, onun italiyalı həmkarı Çezare Prandelli istəyinə çatıb. O, bu ay milli komandanı qısa müddətli təlim-məşq toplanışına yığacaq. Artıq İtaliya Futbol Federasiyası ilə Peşəkar Futbol Liqası arasında razılıq əldə olunub.

Qeyd edək ki, toplanışın dəqiq günü bilinməsə də bunun aprelin 23-24-də gerçəkləşəcəyi gözlənilir.

• “Beşiktaş” Avropa Liqası matçını Batumidə keçirəcək
• Arda Turandan növbəti qələbə – “Şaxtyor” zirvədə
• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!