“Real”ın kapitanı Serxio Ramos karyerasını hələ uzun müddət davam etdirmək niyyətindədir.

Apasport.az saytının məlumatına görə, 35 yaşlı mərkəz müdafiəçisi 40 yaşına qədər yaşıl meydanlarda qalmaq fikrində olduğunu gizlətməyib.

İspaniya millisinin üzvü bunu bacaracaq gücdə olduğu qənaətindədir: “Ən yüksək səviyyədə daha 5 il oynaya biləcəyimi düşünürəm. Əgər zədələrim çox ağır olmasa, 40 yaşıma qədər oynamağa hazıram”.

Ramos “Real”ın hücum xəttinə mümkün transferləri də dəyərləndirib. O, PSJ-li Kilian Mbappe ilə Dortmund “Borussiya”sından olan Erlinq Haland arasında seçim edib: “Əgər seçim etmək məcburiyyətində qalsam, Halanda üstünlük verərdim. Çünki maliyyə baxımdan onun keçidi daha inandırıcı görünür”.

Qeyd edək ki, Serxio Ramosun “Real”la müqavilə müddəti bu ilin yayına qədərdir.

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə