“Napoli”nin yay transfer planı dəqiqləşib.

Apasport.az saytının məlumatına görə, İtaliya klubunun rəhbərliyinin əsas hədəfi 80 milyon avro qazanmaqdır.

A seriyası təmsilçisi bu vəsaiti üç oyunçunun satışından əldə etməyi planlaşdırır. Bunun üçün Fabian Ruis, Dieqo Demme və Matteo Politano satışa çıxarılıb.

Müqaviləsi gələn yay başa çatacaq Ruis “Arsenal” və “Mançester Yunayted”in maraq dairəsindədir. Demme ilə Politanonun anlaşmaları isə 2024-cü ildə başa çatacaq. Sonuncu “Milan”ın hədəfindədirsə, Dieqo ilə “Valensiya” maraqlanır.

Qeyd edək ki, “Napoli” Jerar Deulofeu, Antonin Barak və Federiko Bernardeskini almaq niyyətindədir.
 

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”