“Oyunlarda üz-üzə gəldiyim futbolçular sanki mənə yapışır, qətiyyən boşluq vermirlər”.

Bunu apasport.az saytına açıqlamasında “Qarabağ”ın futbolçusu Abdullah Zubir deyib.

“Azərbaycanda üz-üzə gəldiyiniz zaman çətinlik çəkdiyiniz müdafiəçi varmı”, - sualını cavablandıran 30 yaşlı fransalı yarımmüdafiəçi rəqiblərin ona qarşı xüsusi hazırlaşdığını söyləyib.

Hücumameylli sol cinah oyunçusu “Sabah”ın müdafiəçisi Amin Seydiyev fərqləndirib: “Bir dəfə belə bir sual olmuşdu, Amin Seydiyevin adını çəkmişdim. Ümumiyyətlə, bütün komandalara qarşı çıxış edəndə rəqib müdafiəçilər təkbətək mübarizələrdə boşluq vermirlər. Bu üzdən getdikcə oynamaq çətinləşir. Topu ayağıma aldıqda dərhal kiminsə mənə yapışdığını hiss edirəm. Konkret hansı müdafiəçiyə qarşı oynadıqda çətinlik çəkdiyimi söyləmək çətindir. Çünki mənə qarşı sanki xüsusi nəzarət olur”.

Qeyd edək ki, Abdullah Zubir cari mövsüm “Qarabağ”ın heyətində bütün turnirlərdə 40 oyun keçirib, 11 qol vurub.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"