Azərbaycan millisinin futbolçusu Namik Ələskərov Türkiyə çempionatında növbəti oyununu keçirib.

Apasport.az saytının məlumatına görə, təmsilçimizin şərəfini qoruduğu “Bursaspor” 1-ci liqanın XXXV turunda “Manisa” ilə qarşılaşıb.

Səfər maçında erkən qol buraxan Bursa təmsilçisi sonradan üç top vuraraq əzmkar qələbə qazanıb – 3:1. Start heyətində meydana çıxan Namik fasilədə əvəzlənib.

Bu qələbədən sonra “Bursaspor” xal hesabını 38-ə çatdırıb. 17-ci yerə yüksələn komanda növbəti oyununu mayın 8-də “Ümraniyəspor”a qarşı keçirəcək.

Qeyd edək ki, 1-ci liqada 16-19-cu yerləri tutan 4 komanda aşağı dəstəyə yuvarlanacaq.
 

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”