“Səbail”in sabiq futbolçusu Maykl Essyen ölümlə təhdid olunub.

Apasport.az saytının məlumatına görə, buna səbəb qanalı ulduzun sosial şəbəkədəki paylaşımıdır.

Hazırda Danimarkada “Nordsyelland” klubunda məşqçi kimi fəaliyyət göstərən keçmiş yarımmüdafiəçi ölkəsində homoseksualların hüquqlarını dəstəklədiyini yazıb. Qana prezidentinin həmcinslilərin evliliyinə qadağa qoyduğu bir vaxtda Essyenin statusu ölkədə böyük narazılığa yol açıb.

Azarkeşlər həmin paylaşımın altında onu sərt şəkildə tənqid ediblər. Hətta bəziləri onu iki uşaq atası olduğunu xatırladaraq ölümlə təhdid edib. Bundan sonra Essyen paylaşımını silib.

Qeyd edək ki, Maykl Essyen 2019-2020-ci illərdə “Səbail”in formasını geyinib.
 

• “Beşiktaş” Avropa Liqası matçını Batumidə keçirəcək
• Arda Turandan növbəti qələbə – “Şaxtyor” zirvədə
• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!