Birinci divizion klubları Premyer Liqada iştirak üçün apelyasiya müraciəti etməyiblər.

Bu barədə apasport.az saytına AFFA-nın Lisenziyalaşdırma Qrupunun rəhbəri Sərxan Hacıyev məlumat verib.

Elitaya yüksəlmək üçün lisenziya ala bilməyən “Kəpəz”, “Turan Tovuz”, “Qaradağ-Lökbatan” və “Zaqatala”ya apelyasiya şikayəti üçün 10 gün vaxt verilib. Hacıyev həmin müddətin dünən başa çatdığını və adıçəkilən komandalardan heç birinin müraciət ünvanlamadığını söyləyib.

Beləliklə, yeni mövsümdə Premyer Liqada 8 komandanın mübarizə aparacağı haqda çıxarılan qərarın dəyişməyəcəyi dəqiqləşib. 

Qeyd edək ki, I divizion təmsilçilərinin Premyer Liqada iştirak üçün müraciətinə mayın 8-də baxan AFFA Lisenziyalaşdırma Komissiyası, xüsusən də, maliyyə sənədlərindəki çatışmazlığı əsas gətirərək, onlara lisenziya verməyib.
 

• “Barselona” Premyer Liqadan transferə hazırlaşır
• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat