İngiltərə Premyer Liqasının rəhbərliyi çempionatda çıxış edən 14 klub rəhbərliyi ilə bir araya gəlib.

Apasport.az saytının məlumatına görə, qurum həmin klubların bütünlüklə yeni yaradılan Avropa Superliqasını rədd etdiklərini açıqlayıb.

Toplantıda yalnız Superliqada iştirakı təsdiqlənən “Mançester Siti”, “Mançester Yunayted”, “Liverpul”, “Çelsi”, “Arsenal” və “Tottenhem” təmsil olunmayıb. Premyer Liqa rəhbərliyi isə adıçəkilən klublara xəbərdarlıq bildirən bəyanat yayıb: “Premyer Liqanın 6 klubu dərhal Superliqadan iştirakdan imtina etməlidir. Əks halda onlar barəsində qanuni tədbirlər görüləcək”.

Qeyd edək ki, İngiltərə təmsilçiləri ilə yanaşı, İtaliyanın “Milan”, “Yuventus”, “İnter”, İspaniyanın isə “Real”, “Barselona” və “Atletiko” klublarının Superliqada iştirakı təsdiqlənib.
 

• Pulişiç “Milan”da qalacaq?
• Ronaldo yenidən “Qızıl top” qazandı – Bu dəfə fərqli mükafat
• Seneqal millisindən “Qalatasaray”ın futbolçusuna vida mesajı
• Türkiyə Kubokunda sensasiya – III Liqa klubu “Kayserispor”u darmadağın etdi
• “Bavariya”nın baş məşqçisi xəstəxanadan buraxıldı – Qayıdacağı tarix bəlli oldu